ՀՀ վարչապետ Նիկոլ Փաշինյանը հայտարարեց, որ Քոչարյանի, Կարապետյանի և Ծառուկյանի ղեկավարած ուժերը հստակորեն վերաբանակցելու են Հայաստանի և Ադրբեջանի միջև հաստատված խաղաղության պայմանները։
«Սա միանշանակ և աներկբա նշանակում է ոչ միայն դուռը բացել պատերազմի համար, այլև անխուսափելի դարձնել»,- ասաց վարչապետը՝ ընդգծելով, որ այս օրերին այդ ուժերը խոսում են խաղաղության վերաբանակցելու, խաղաղությունը պարտադրելու և դրա համար ուժային միջոցներ կիրառելու մասին։
Վարչապետի խոսքով՝ այս քաղաքականությունը պատմականորեն կարևոր խաչմերուկ է, քանի որ Հայաստանը հաստատել է խաղաղություն՝ փաստացի ամուր փակելով պատերազմի դուռը։ Նրա կարծիքով՝ այս պայմանների վերաբանակցելու փորձը ուղղակիորեն հանգեցնում է պատերազմի սպառնալիքի։
