Աշտարակ քաղաքում բնակիչների հետ հանդիման ժամանակ ՀՀ երկրորդ նախագահ Ռոբերտ Քոչարյանը հակիրճ ելույթ ունեցավ՝ նախապատվություն տալով հարց-պատասխան ֆորմատին, որը, նրա խոսքով, թույլ կտա ավելի լավ ընկալել հանրության տրամադրությունները։
Նախընտրական մարտահրավերներին անդրադառնալով՝ Ռոբերտ Քոչարյանը նշեց, որ ընդդիմության համար առավելագույն կարևոր է դառնալու ընդդիմադիր դաշտի կառուցումը։ Նրա կարծիքով, 20-25 ընդդիմադիր կուսակցությունների առանձին մասնակցելու փոխարեն, պետք է հանդես գան մի քանի խոշոր, համախմբված միավորներով։ Սա, ըստ նրա, կօգնի «չփոշիացնել» ձայները և ավելի լուրջ ծրագրերով մտնել ընտրապայքարի մեջ՝ հանդես գալով ընդդիմադիր ուժի դեմ, որը, նրա խոսքով, «զավթել է իշխանությունը»։
«Եթե ընդդիմադիր դաշտը համախմբված աշխատի, իրար դեմ չաշխատի, բոլորը թիրախավորեն նրան, ովքեր արհավիրք են բերել Հայաստանի Հանրապետության գլխին, ապա վստահությունն իմ մոտ շատ մեծ է, որ հաջողություն կունենանք»,- նշեց նախկին նախագահը։
Ռոբերտ Քոչարյանը քննադատեց իշխանության կողմից օգտագործվող «պատերազմի վախի» թեզը՝ այն անվանելով «ամենավտանգավոր և միաժամանակ ամենաստորացուցիչ»։ Նրա խոսքով, այս թեզի էությունը սեփական ժողովրդին վախեցնելն է՝ իշխանությունը պահպանելու համար, ինչը, ըստ նրա, հավասար է Ալիևին «տղա» բերելու սեփական երկրի գլխին։
Նա նաև նշեց, որ ընդդիմությունը վաղուց կանխատեսում էր, որ իշխանությունը կառչելու է այս մարտավարությանը, սակայն հույս ունի, որ ժողովուրդը չի թույլ տա իրեն «հարյուրերորդ անգամ խաբել»։
Ըստ Ռոբերտ Քոչարյանի, իշխանությունը, որը նախընտրական շրջանում իր ծրագրերն է ներկայացնելու, կփորձի ներկայացնել իրեն որպես միակ երաշխիք՝ խուսափելու համար պատերազմից։ Սակայն նա նախազգուշացրեց, որ եթե ընտրողները համեմատեն իշխանական կուսակցությունների ներկայիս խոստումները նրանց 2021 թվականի նախընտրական ծրագրերի հետ, կտեսնեն, որ իրենց ասածների 80 տոկոսը հակառակն է արվել։ «Այս դեպքում ձեր ասածները գրոշի արժեք չունեն»,- եզրափակեց նա։
