Արտաքին գործերի նախարարության պետական արարողակարգի ծառայությունը հանրայնացրել է պայմանագիր, համաձայն որի՝ ՀՀ այցի ընթացքում ԱՄՆ փոխնախագահի համար ձեռք է բերվել 1685 թվականին Վենետիկում տպագրված Ավետարան։ Այս հազվագյուտ և արվեստական արժեք ունեցող հուշանվերն ունի պատմական և մշակութային նշանակություն։
Պայմանագրի տեխնիկական բնութագրիչների համաձայն՝ Ավետարանը բաղկացած է 450 երկսյուն էջից, տպագրված է հին հայկական տառատեսակով (գրաբար) և ունի փորագրազարդ տիտղոսաթերթ։ Այն ներառում է չորս Ավետարանիչների՝ Մատթեոսի, Մարկոսի, Ղուկասի և Հովհաննեսի թղթերը։
Ավետարանի կազմը պատրաստված է մուգ կաշվից և զարդարված է արծաթյա դեկորատիվ ձևավորմամբ։ Կենտրոնում տեղադրված է արծաթյա բարձրաքանդակ կոմպոզիցիա, որի վրա պատկերված է ճառագայթող փառքի ֆոնի վրա Հիսուս Քրիստոսը։ Կազմի անկյուններում տեղադրված են արծաթյա քանդակազարդ տարրեր՝ հրեշտակային պատկերներով, որոնք հավասարակշռում են ընդհանուր կոմպոզիցիան։ Կազմը համալրված է կաշվե փականներով, որոնք պահպանել են իրենց կառուցվածքը։
Գնումը կատարվել է «Մարիամ Հունանյան» անհատ ձեռնարկատիրոջից՝ 2 միլիոն 926.000 դրամով։ Այս հուշանվերը, անշուշտ, կդառնա Հայաստան-ԱՄՆ հարաբերությունների պատմության կարևորագույն էջերից մեկը։
