ՀՀ Կոնստիտուցիոն դատարանի դատավոր Գևորգ Մանուկյանը մեկնաբանել է իր որոշումը, որով նա հրաժարվեց դատավորի պաշտոնից՝ կաթողիկոսի և նրա եղբոր որդու գործը քննելուց։
Հարցին, թե արդյո՞ք նրա հրաժարությունը պայմանավորված էր վախով, որ կհայտնվի «անցանկալի դատավորների սև ցուցակում», դատավորը պատասխանեց՝ «Չեմ կարծում, որ կա նման՝ ցանկալի կամ անցանկալի ցուցակ»։
Նրա խոսքով՝ ինքնաբացարկի որոշումը կայացվել է այն նպատակով, որ հասարակության մեջ ձևավորվի վստահություն, որ դատական գործընթացը կիրականացվի օբյեկտիվ, արդար և թափանցիկ կերպով։ «Երևի սխալ կարծիք եք կազմել իմ մասին։ Ես իմ բոլոր մտքերը հստակ շարադրել եմ իմ որոշման մեջ»,- նշեց նա։
Հարցին, թե արդյո՞ք նա ներքին կաշկանդվածություն է ունենում կաթողիկոսի և նրա եղբոր որդու գործի հետ կապված, դատավորը խիստ արձագանքեց․ «Նման հարցեր մի տվեք, որովհետև վստահ եմ՝ դուք էլ եք համոզված, որ չկա մեկը, որ ինձ sms ուղարկի և ես դրա հիման վրա որոշումներ կայացնեմ»։
Դատավոր Մանուկյանը նաև անդրադարձավ սահմանադրական փոփոխությունների հնարավորությանը, որի արդյունքում դատավորները կարող են դառնալ ժամանակավոր պաշտոնակատարներ։ Նրա խոսքով՝ նման նախագիծ նա չի տեսել և չի կարող լինել, քանի որ Սահմանադրությունը միայն հանրաքվեի միջոցով է ընդունվում, որը ժողովրդի կամարտահայտության արդյունքն է։ Եթե ժողովուրդը կորոշի, որ այդ կարգով պետք է լինի դատավորի ընտրությունը, նշանակումը և մնացածը, այդ կարգով էլ կղեկավարվեն բոլորը։
