Արթուր Աբրահամի անվան մանկապատանեկան մարզահամալիրի հիմնարկեքի արարողությանը ներկայացել է ՀՀ վարչապետ Նիկոլ Փաշինյանը։ Նա շնորհավորել է հայտնի բռնցքամարտիկին՝ նշելով, որ ուրախությամբ է արձանագրում գործի առաջխաղացման փաստը։
«Թաքցնելու բան չկա, բոլորն էլ գիտեն՝ բրենդինգն ամենակարևոր բանն է աշխարհում, այսինքն՝ նույն դպրոցը 2 տարբեր բրենդինգով 2 տարբեր բաներ են բացարձակապես։ Կարևոր է, որ մեր՝ հաջողությունների հասած մարզիկներն իմանան, որ Հայաստանում իրենց ինչքան են սիրում ու ինչքան գնահատում։ Բացի այդ՝ երեխաներն էլ են սիրում հայտնի ու անվանի մարզիկներին, միայն ձեր անունը բավարար է նրանց ընտրության համար, որ ընտրեն սպորտի ճանապարհն ու գան այստեղ»,- ասել է վարչապետը՝ շեշտելով, որ հայտնի մարզիկի անունը և պատկերը հզոր խթան են սպորտով զբաղվելու համար։
Նա շնորհակալություն է հայտնել Արթուր Աբրահամին՝ նրա նվաճումների և ծննդավայրում գիտելիքներն ու փորձը կիսելու պատրաստակամության համար։ Վարչապետը նաև նշել է, որ երեխաների համար հայտնի մարզիկի անունը բավարար է, որ նրանք ընտրեն սպորտի ճանապարհը։
Արարողության ընթացքում վարչապետը և բռնցքամարտիկը խորհրդանշական նվերներ են փոխանակել։
