Իմ հիմնական մտքերը, որոնք ես ձևակերպել եմ Մարալիկում կայացած բանախոսության ընթացքում, հետևյալն են։
Պետությունը ստեղծվում է ժողովրդի կողմից, և այն շարունակում է գոյություն ունենալ և զարգանալ նույնպես ժողովրդի ջանքերով։ Պետության հիմքում ընկած է քաղաքացու կամքը։
Քաղաքացին այն մարդն է, ով ոչ միայն ցանկանում է ունենալ պետություն, այլև ցանկանում է սահմանել այն կանոններն ու սկզբունքները, որոնցով պետությունը կառավարվի, և ինքն էլ ապրելու է այդ կանոններով։
Այսպիսով, քաղաքացու և պետության միջև գոյություն ունի անբաժանելի կապ։ Քաղաքացին պետության նկատմամբ ունի այնպիսի զգացմունք, ինչպիսիք են սերը և պատասխանատվությունը։ Նա սիրում է իր պետությունը նույնիսկ այնքան, որքանով սիրում է ինքն իրեն։
