Վարչապետ Նիկոլ Փաշինյանը Ազգային Ժողովում անդրադարձել է առաջիկա ընտրություններին մասնակցող որոշ քաղաքական կուսակցությունների գործունեությանը՝ հատկապես նշելով «Հայաստան» դաշինքը, ՀՀԿ-ն և ԲՀԿ-ն։ Նրա խոսքով՝ եթե այդ կուսակցությունները խորհրդարան անցնեն, դա կհամարվի «անհարգալից վերաբերմունք» Հայաստանի Հանրապետության քաղաքացիների նկատմամբ։
Փաշինյանը նշել է, որ այդ կուսակցությունների հաջողությունը խորհրդարանում կհամարվի որպես ապացույց, թե Հայաստանում իբր թե այդքան «շուն ու շանգյալ կա», որ իրենց օգտին կքվեարկի։ Նա նաև քննադատել է այն քաղաքական ուժերը, որոնք, իր խոսքով, փորձում են ժողովրդին «ապատեղեկատվության հորձանուտի մեջ գցել»։
«Եթե 62 երկրի անձնագիր ունեցող մարդը ասում է՝ ես դառնալու եմ վարչապետ, բայց տեսե՞լ եք, որ մի օր ժողովրդի անունը տա։ Դրա համար էլ մենք ժողովրդին ասում ենք՝ տեր կանգնիր խաղաղությանը», — ասել է վարչապետը՝ ընդգծելով, որ ժողովրդի առաջխաղացման համար անհրաժեշտ է սահմանադրական մեծամասնություն ձևավորել, որը կապահովի խաղաղության գործընթացի մինչև վերջ հասցնելը։
Փաշինյանը նշել է, որ առաջիկա քաղաքական պրոցեսների հիմնական իմաստը պետք է լինի ժողովրդի կողմից խաղաղությանը տեր կանգնելը և նախկին ռեժիմի կողմից ստեղծված «եռագլուխ կուսակցության» և քաղաքական «բոշաների» հարատև դուրս ուղարկումը։
