168TV-ի «Թրիգեր» հաղորդաշարի հյուրը քաղաքական տեխնոլոգիաների փորձագետ Կարեն Քոչարյանն էր։ Զրույցի ընթացքում քննարկվեցին Հայաստանում սպասվող ընտրությունների համատեքստում իշխանությունների կողմից կիրառվող քաղաքական մեթոդներն ու տեխնոլոգիաները, ինչպես նաև տեղի ունեցող գործընթացների նկատմամբ հայ երիտասարդության արձագանքը։
Քոչարյանը նկատել է, որ հայկական հասարակությունը պետք է հաղթի «թուրքական տրոյական ձիուն»։ Նրա խոսքով՝ հայ ժողովուրդը, Հայաստանի քաղաքական էլիտան և մտավորականությունը պետք է հասկանան, որ իրենց ճակատագրի և ապագայի մասին որոշումները պետք է կայացնեն իրենք՝ ոչ թե թույլ տալով, որ դրանք որոշվեն արտաքին ուժերի կողմից։
Հարցին՝ թե ինչպես է երիտասարդությունը ընկալում ներկայիս քաղաքական իրավիճակը, Քոչարյանը նշել է, որ երիտասարդները հասկացել են, որ իշխանությունները փորձում են զրկել նրանց երազելու և ապագայի մասին մտածելու իրավունքից։
Հաղորդաշարի ընթացքում նաև անդրադարձ եղավ Հայաստանի երրորդ նախագահ Սերժ Սարգսյանի կողմից առաջարկված հուշագրի հարցին։ Հանրապետական կուսակցության խորհրդի անդամ Լևոն Նազարյանը, որը հանդես էր գալիս «Ռեվյու» հաղորդաշարում, հայտարարել է, որ կուսակցությունը առաջարկում է ընդդիմադիր բոլոր ուժերին հստակեցնել խաղի կանոնները՝ հետընտրական գործընթացների ժամանակ ընդդիմության միասնական թեկնածուի առաջադրմանը խոչընդոտող հնարավոր իրավիճակներից խուսափելու նպատակով։
Զրույցի ընթացքում քննարկվեցին նաև այլ հրատապ հարցեր, այդ թվում՝ Արցախի հարցը, որը, ըստ Քոչարյանի, հայկական սերունդներից որևէ մեկը չի կարող թողնել չլուծված։ Նրա կարծիքով՝ այս հաշվի փակման համար անհրաժեշտ է հաղթահարել ոչ միայն ռևանշի, այլև պատերազմի հետ կապված խնդիրները։
