Նյու Յորքի քաղաքապետ Զոհրան Մամդանին իր X-ի էջում գրառում է արել Հայոց ցեղասպանության 111-րդ տարելիցի կապակցությամբ։
Նրա խոսքով՝ հարգանքի տուրք մատուցելով Օսմանյան կայսրության կողմից ժամանակակից Թուրքիայի, Սիրիայի և Հայաստանի տարածքում սպանված 1,5 միլիոն հայերին, անհրաժեշտ է թույլ չտալ, որ պատմությունը կրկնվի։
Քաղաքապետը նշել է, որ 2020 թվականին Ադրբեջանի և Թուրքիայի զինված ուժերը հարձակվեցին Լեռնային Ղարաբաղի հայ բնակչության վրա, իսկ 2023 թվականին Ադրբեջանը Լեռնային Ղարաբաղից արտաքսեց ավելի քան 100 000 հայ՝ շարունակելով ցեղասպանական արշավը, որն սկսվել էր ավելի քան 100 տարի առաջ։
Զոհրան Մամդանին վերահաստատել է հայ ժողովրդի և բոլոր ժողովուրդների ազատության, անվտանգության և ինքնորոշման իրավունքը։
Այս գրառումը հայտնվել է ճարտարապետ Անահիտ Թարխանյանի կողմից արված ահազանգի համատեքստում։ Նա, որը Ծիծեռնակաբերդի Հայոց ցեղասպանության հուշահամալիրի համահեղինակ ճարտարապետ Արթուր Թարխանյանի դուստրն է, դեռ նախորդ տարվա աշնանն էր նախազգուշացրել ցեղասպանության հուշակոթողի վերաբերյալ։
Այս իրադարձությունները տեղի են ունենում այն պահին, երբ Հայաստանի Հանրային հեռուստատեսությունը նախընտրում է ուղիղ եթերով ցուցադրել Բաթումիում և Տիրանայում անցկացվող 2026 թվականի ծանրամարտի մրցումները։
