Իրանական աղբյուրը հերքել է լուրերը, թե իրանական բանակցային խումբը ժամանել է Պակիստան՝ Միացյալ Նահանգների հետ բանակցելու համար։ Այս մասին հայտնում է Tasnim լրատվական գործակալությունը։
Ըստ աղբյուրի՝ բանակցությունները կսկսվեն միայն այն պայմանով, որ Միացյալ Նահանգները կատարի իր հանձնառությունը՝ Լիբանանում հրադադարի հաստատման վերաբերյալ։ Քանի դեռ սիոնիստական ռեժիմը շարունակում է իր հարձակումները, և Միացյալ Նահանգները չի կատարել իր պարտավորությունները, բանակցությունները կասեցված են մնում։
Աղբյուրը նշել է, որ որոշ լրատվամիջոցների կողմից տարածված տեղեկությունները, թե իրանական խումբը ժամանել է Իսլամաբադ, լիովին կեղծ են։
